Ճառ ԻԳ.^Ծ-116116. Ճառ ԻԳ - «Իմաստութիւնը Գոյի Գլխի»՝կամ «Գոյի Իմաստութեան մասին»: Ճգնութեան Խրատներ Եւ Գործնական Ցուցումներ՝ Որոնք Առաքինութեան Յորդորներից Են Բխում

Բոլոր նրանք ովքեր հրաժարուել են աշխարհիկ կեանքից, իրենց անձը ընծայել են Աստուծուն՝ հնազանդուելով սուրբ հայրերի աւանդած ճշմարտութեան, եւ կուսութեամբ ճգնաւոր են դարձել՝ խոստացուած աւետիսներին հասնելու բարձր ձգտումով, թող զգուշանան իրենց խորհուրդներում, խօսքերում ու գործերում՝ որ դարանակալ օձը⁷⁹⁷797. Բ․ Կորն․ Ժ 4։ չխայթի իրենց, ու չխափանի առաքինասէր վարքերով իրենց ընթացքը դէպի սրբութիւն եւ արդարութիւն՝ ըստ Աստուծոյ:

Ըստ բոլոր հոգեւոր խրատների՝ պէտք է անխարդախ ապրեն, բարկութեան փոխարէն միշտ ունենան հեզութիւն, անզգամութեան փոխարէն հանդարտութիւն, թշնամանքի փոխարէն բարերարութիւն, անհնազանդութեան փոխարէն հնազանդութիւն, ստահակութեան փոխարէն Աստուածայինի հաւանութիւն, անհամբերութեան փոխարէն համբերութիւն, ոխակալութեան փոխարէն անոխակալութիւն, մեքենայութիւնների փոխարէն աննախանձութիւն, դառնութեան փոխարէն քաղցրութիւն, չարութեան փոխարէն բարութիւն, անգործութեան փոխարէն գործասիրութիւն, մեղմեխութեան⁷⁹⁹799. Մեղքեր կամ սխալներ գործելու։ փոխարէն ռոշնութիւն⁸⁰⁰800. Լուսաւորութիւն։, յարատութեան⁸⁰¹801. Անամօթութիւն։ փոխարէն համեստութիւն, կատակների ու ծաղրերի փոխարէն արտասուք, ատելութեան փոխարէն սուրբ սէր, անյուսութեան փոխարէն յոյս, տրտմութեան փոխարէն զուարթութիւն⁸⁰²802. Մտքի արթնութիւն։, փորձանքների ժամանակ երկայնամտութիւն, ագահութեան փոխարէն չափաւորութիւն․ ընչասիրութեան փոխարէն արհամարհանք, պատուասիրութեան փոխարէն նուաստութիւն, թերահաւատութեան փոխարէն ճշմարիտ հաւատք:

Նաեւ պէտք է դէմ լինեն չարի այլ մեքենաներին՝ որոնք Աստուածային ճշմարտութեան դէմ են պատերազմում տեսանելիներով, լսելիներով, հոտոտելիներով, ճաշակելիներով, ձեռքերի եւ ոտքերի միջոցով, նաեւ սրտի միջոցով՝ որն շտեմարանն է խորհուրդների, եւ կարող է հակուել ու միտել լաւին կամ վատթարին:

Իրենց առաքինասէր վարքերով պարտաւոր են շատ աւելի բարձրում լինել քան բոլոր վնասակարները՝ ըստ վերեւում ասուած հանգամանքների խրատներին, որպէսզի կարողանան պատերազմ մղել ընդդէմ չարերի՝ որոնք միշտ ճակատամարտ են յարուցում ճգնաւորների դէմ:

Նրանց դէմ մարտը թէեւ մեծ է լինում՝ բայց յաղթութիւնն էլ մեծագոյն է լինում, որովհետեւ այդպիսով հակառակամարտը կործանւում է այն բանում՝ որով պանծացել է, եւ ուզեցել է յոյս-իմացական հրապուրանքներով յաղթել նորամուտերին:

Բայց դու ո¯վ անձ, որ ընծայուել ես Աստծուն՝ քեզ խորհրդակից մի՛ առնիր նրան⁸⁰³803. Սատանային։, այլ մարտնչի՛ր նրա դէմ բարիների մղած մարտում, եւ բուռն հարուածիր նրան այս խրատների զօրութեամբ՝ չմոռանալով սուրբ ճգնաւորների ախոյեանի զօրութիւնները, որոնք շաղում ու պատում են ոգին ու մարմինը:

Ուշքդ լինի Աստծուն՝ մտերիմ խորհրդով, եւ կրօնաւորիր արժանաւորապէս՝ ըստ Քրիստոսի Աւետարանին:

Մերկացի՛ր հին մարդուց՝ նրա աշխարհական բոլոր յանդգնութիւններով, եւ զգեստաւորուիր նոր մարդով^Ծ-117117. «Զգենուլ զնոր մարդն» .- Այս նախադասութիւնն ունի նաեւ երկրորդ թարգմանութիւն՝ «զօրացրո՛ւ նորոգուած մարդու գենդ» («զ-գեն-ուլ» հիմքով), որ առաւել ըմբռնելի է ու ճշգրիտ՝քան տեքստով բերուածը, որը պայմանական է: ՝ բարի գործերով զարդարուելով. եղիր մաքուր եւ անարատ ներքնապէս եւ արտաքնապէս՝ կատարեալ արդարութեամբ, եւ սրբուած բոլոր երկրաւոր ցանկութիւններից:

Նախ անձիդ մէջ սուրբ սրտով հաստատիր Աստուածսիրութեան հանգամանքները՝ եւ կեղծաւոր մի՛ եղիր հաւատքում. պատրաստ եղիր անձդ ըստ արժանւոյն ընծայելու Աստծուն՝ ով քեզ հրաւիրել է. եղիր անարատ ու մաքրուած բոլոր բծերից՝ հաճելի լինելու համար Աստծուն. եղիր հաստատուն մտքով ու բոլոր անդամներով՝ եւ ճգնաւորական կարգի գործերում մնայ անփոփոխ ու անդրդուելի:

Մղի՛ր հոգեւոր մարտը ընդդէմ հանապազորդեան թշնամուն՝ որն զգայութիւններով ու գաղտագողի խորհուրդներով է պատերազմում, եւ յաղթիր նրան՝ վերին օգնականութեամբ:

Հոգուդ իմաստութիւնները⁸⁰⁵805. Ներոյժը։ առաջնորդիր բոլոր արդարութիւններով՝ եւ կործանի՛ր բարեձեւութեան կարգերի ու կրօնի հակառակամարտերին:

Քանզի ճգնաւոր զինուորի զէնքը մարմնաւոր⁸⁰⁶806. Նիւթեղէն։ չէ այլ հոգեւոր՝ որն Աստուծոյ օգնութեամբ է վանում չարի անսրբութիւնը⁸⁰³803. Սատանային։:

Սրբութիւն ամբարիր քո բոլոր անդամներում. անմաքուր խորհուրդներդ սրբիր՝ ողջախոհ լինելով ամբողջութեամբ. որկորստութիւնդ սրբիր պարկեշտութեամբ, արբշռութիւնդ՝ ժուժկալութեամբ, շուայտութիւնդ՝ համեստութեամբ, ծուլութիւնդ՝ ջանադրութեամբ գործերում, թուլութիւնդ՝ պնդութեամբ, ձանձրոյթդ՝ փոյթ անելով, ամբարտաւանութիւնդ՝ խոնարհութեամբ, հպարտութիւնդ՝ նուաստութեամբ, սնափառութիւնդ՝ անփառութեամբ, ստութիւնդ՝ ստուգութեամբ, երդմնահարութիւնդ՝ ճշմարտութեամբ, խորամանկութիւնդ՝ կատարեալ սիրով:

Արդ, զգուշանալով այս բաներից՝ ամրացիր աղօթքով եւ պահքով, ջերմեռանդ արտասուքներով, սուրբ սիրով, շնորհալից⁸⁰⁷807. Շնորհներ լցնող։ յոյս-իմացականութեամբ ու բաղձալից⁸⁰⁸808. Բաղձանքները լցնող, իրականացնող։ գութով՝ Աստուծոյ կամեցողութեամբ:

Միշտ ահով եւ երկիւղով առաջդիմիր քո բարեպաշտութեան ջանքերում. աւելացրու բարի գործերդ՝ չպակասեցնելով առաքինութեան երեւելի կամ աներեւոյթ վաստակներդ: Եւ խափանի՛ր չարի հանգամանքները՝ հանդիսաւոր յառաջդիմութեամբ:

Լքի՛ր բոլո¯ր փառասիրութիւններդ, չարիքների ցակութիւնդ եւ դիւրաշարժ մեղքերդ՝ արդարութեան, առողջութեան եւ անարատութեան իրաւունքներով: Անհանգստացի՛ր ճգնաւորական մշակմանդ ընթացքում՝ որ սուրբ սէ՛րը լինի քո ամբիծ երախտիքներում, ըստ Քրիստոսի Աստուծոյ բարերար սիրոյ երախտիքներուն, որպէս հնազանդութիւն Աստծուն՝ որ Նրա հետ հաղորդութիւնդ կատարուի սիրով: Որպէսզի ճշմարտուելով՝ միաբանութիւնը պահես խաղաղութեան յօդով, եւ եղբայրութեանն հնազանդուես անփորձ⁸¹⁴814. Չպարտադրուած։ մտածողութեամբ ու կատարեալ հաւանութեամբ. եւ հաւատայ առաջնորդին՝ որովհետեւ նրա միջոցով խոստովանութիւնդ ստուգապէս ընծայուել է Աստծուն, եւ նրա միջոցով էլ առնելու ես ապաշխարութեանդ պտուղը՝ ըստ նախկին սխալ խորհուրդներիդ, խօսքերիդ եւ գործերիդ:

Քանզի մեղքերիդ թողութիւնը առաջնորդի եւ եղբայրութեան վկայութեամբ է լինում Փրկչից՝ եւ նրանց միջոցով հաստատապէս արմատաւորւում ես նոյն վանքում, եւ չե՛ս լինում երկմիտ:

Քանզի ով երկմիտ է լինում՝ նմանւում է հողմակոծուող ու տատանուող ծովի ալիքներին: Այդպիսի մարդը թող չակնկալի բարիքներ ստանալ Աստծուց⁸⁰⁷807. Շնորհներ լցնող։. այլ նախ թող հաւատքով ճշմարտանայ՝ եւ անբիծ վարքերով կատարի առաքինութիւնները, որ մե¯ծ համբերութեամբ զօրանայ Աստուծոյ ահով ու Սուրբ Հոգու շնորհներով, ըստ Առաքեալի խրատին՝ դիմանալով նեղութիւններին, վիշտերին, չարչարանքներին, գաներին⁸¹⁵815. Պայմանականօրէն՝ «գաւազանով ծեծերի»։, կապանքներին, խռովութիւններին ու հոգնութիւններին՝ ու կատարի հսկումները, պահքերն ու սրբութիւնները՝ որպէսզի Սուրբ Հոգուց յարդարուի սրբութեամբ, քաղցրութեամբ ու բարութեամբ⁸⁰⁸808. Բաղձանքները լցնող, իրականացնող։:

Քանզի ով սիրում է Ինձ՝ ասում է Տէրը⁸⁰⁹809. Բ․ Կոր․ Զ 5։, պահում է Իմ պատուիրանները՝ որոնք Սուրբ Հոգուց են ազդարարուել, որ Ես ու Իմ Հայրը գանք օթեւանելու նրա մէջ:

Ինչքա¯ն է մեծութիւնը, փառքն ու շնորհքը նրանց՝ ովքեր Ամենասուրբ Երրորդութեան տաճարն են լինում. որովհետեւ «Բնակուելու եմ նրանց մէջ՝ ասում է, եւ սիրելու եմ նրանց. եւ նրանց համար Աստուած եմ լինեու՝ իսկ նրանք լինելու են Իմ ժողովուրդը, ասում է Տէրն Ամենակալ»⁸¹⁰810. Յովհ․ ԺԴ 23։:

Արդ, քանի որ այս աւետիսն ունեն ճգնաւորները՝ պէտք է Աստուծոյ ահով կատարեն սրբութիւնը. պէտք է անբիծ, անարատ ու սուրբ սիրով հնազանդեն ամենահեշտ լուծին՝ որը թեթեւ է առաքինի անձերի համար, բայց ծանր՝ աշխարհասէրների համար, որոնց եւս կոչ է արել քաղցր ձայնով՝ ասելով. «Ինձ եկէք հոգնածներ ու բեռնուածներ՝ եւ Ես ձեզ հանգիստ կը պարգեւեմ. ձեր վրայ վերցրէք Իմ լուծը՝ եւ Ինձանից սովորէք հեզութիւնը, խոնարհութիւնը, հնազանդութիւնն ու բոլոր արդարութիւնները՝ եւ կը գտնէ՛ք ձեր անձերի հանգիստը։

Քանզի Իմ լուծը քաղցր է՝ Իմ յոյս-իմացականութեանս պատճառով. եւ Իմ բեռը փոքրոգի⁸¹⁶816. Թեթեւ է։ է՝ հատուցուելիք վարձատրութեանս աւելացման պատճառով⁸¹⁵815. Պայմանականօրէն՝ «գաւազանով ծեծերի»։:

Ճգնաւորները պէտք է խաղաղարար ազատութեամբ ու անարատ սրբութեամբ սանձեն իրենց սովորութեանց ձգտումների բոլոր դժնդակ ապարասանութիւնները⁸²¹821. Անսանձութիւնները։՝ եւ մտնեն հոգու եւ մարմնի հանդարտութեան նաւահանգիստ, ու ազատուե՛ն չար ցանկութիւնների բոլոր վշտագին հարուածներից: Նրանք պէտք է ունկնդիր լինեն առաջնորդների խրատներին՝ ու հպատակուե՛ն նրանց հրամաններին⁸¹⁶816. Թեթեւ է։: Իսկ առաջնորդները պէտք չէ անհոգ գտնուեն ժողովրդի ուխտի հանդէպ՝ որովհետեւ դրա համար հաշուետու են լինելու Տիրոջ այցելութեան պահին:

Պէտք է բոլորի մէջ լինի ճշմարտասիրութիւնը. պէտք չէ լինեն բանսարկու, խորամանկող, վերակացուի հրամաններին հակառակուո՛ղ, գործից կամ որեւէ բանից տրտնջացող, խռովարար ու թշնամութիւն սերմանող: «Քանզի ով որ ձեզ է խռովեցնում՝ դատաստան է կրելու, ո¯վ որ էլ լինի», ասում է Առաքեալը⁸¹⁷817. Գաղ․ Դ 10 (Ե – Անթ․)։: Այլ պէտք է գնան խաղաղութեան ու սուրբ սիրոյն՝ եւ լինեն Աստուծոյ որդիներն ու ժառանգակիցները Քրիստոսի, որ խաղաղութիւն է բերել երկնքին ու երկրին:

Պէտք է իրար հնազանդ լինեն ու իրար հաւանող՝ Տիրոջ երկիւղով, նաեւ անխզելի պահեն եղբայրութեան միաբանութիւնը՝ Տիրոջն հաճելի սուրբ սիրով, որն իրար է կապում եւ չի թողնում քայքայուել ու անջատուել իրարից՝ երբ ոմանք պատճառաբանելն թէ մարդկանցից պահանջւում է վրիժառութիւն, եւ ո՛չ թէ սիրոյ միաբանութիւն:

Եւ ով որ վերակացու է՝ պէտք է զգաստ լինի մերձաւորների հանդէպ, եւ լինի նախատեսող՝ հեռաւորների նկատմամբ: Նա պէտք է խորագիտութեամբ խրատի եղբայրներին՝ ըստ նրանց տարիքի⁸²²822. Հասունութեան։, ընդունակութեան ու սրտի բարութեան: Կրտսերներին պէտք է խրատի ահով ու Տիրոջ երկիւղով՝ որ հնազանդուեն եղբայրներին:

Եւ երբ բոլորի կողմից հաւանութեան է արժանանում եղբայրութեան առաջնորդի կամքը՝ ոչ մի գործունէութիւն պէտք չէ տեղի ունենայ նրա կամքից անկախ: Եւ ով որ նրա կամքին հակառակ մի խորհուրդ ունենայ կամ ասի ու գործի՝ պարտադրաբար պէտք է վերադառնայ ապաշխարութեան: Որովհետեւ առաջնորդին արահամարհողը՝ Աստծուն է արհամարհում: Քանզի Տէրն ասում է⁸¹⁸818. Ղուկ․ Ժ 16։. «Ով որ ձեզ է անարգում՝ Ինձ է անարգում. եւ ով որ ձեզ է ընդունում՝ Ինձ է ընդունում. եւ ով որ ձեր խօսքն է պահում⁸²³823. Ընդունում է։՝ Իմ խօսքն է պահում»:

Այլեւ ընդհանուրի օգտի համար խոնարհութեամբ կամաւոր հնազանդութեան ենթարկուածները՝ պէտք է հաւանութիւն տան Աստուծոյ պատուիրանին, եւ հաւատան դէպի Աստուած առաջնորդողին: «Քանզի ովքեր կարգուել են՝ ասում է⁸¹⁹819. Հռ․ ԺԳ 1։, Աստծոյ կողմից են կարգուել. եւ ովքեր ընդդիմանում են նրանց՝ դատաստան են կրելու, ովքեր որ էլ լինեն»:

Եւ նոյն վանքում մնալու հաւանութիւն տուողները՝ մտնում են Ամենասուրբ Երրորդութեան փառերի միաբանութեան մէջ, լինելու միաշունչ եւ միախորհուրդ՝ ո՛չ նիւթական շահագրգռութեամբ, ո՛չ էլ սնապարծութեամբ. այլ ինչպէս օրինադրել է Առաքեալը820՝ խոնարհութեամբ միւսին աւելի լաւ համարելով քան իր անձն է:

Այդպիսիները միշտ ունենում են սուրբ սիրոյ իւղը՝ որ պայծառ լապտերով մտնեն լոյսի⁸²⁵825. Մատթ․ ԻԵ 10։ առագաստից ներս, եւ Ամենակալ Հայրն էլ նրանց ուրախացնի Երկնաւոր Փեսայի⁸²⁶826. Թագակիրի։ աւետածներով՝ լուսապսակի անսպառ ուրախութիւններով:

Բայց ովքեր անջատուելով հեռանում են եղբայրութեան միաբանութիւնից՝ չեն ունենում Տիրոջ սիրոյ իւղը, նմանուելով յիմար կոյսերին՝ որոնց առաջ փակուել է երկնային առագաստը, որովհետեւ հանգցրել են իրենց հարսնութեան ջահերը: Այդպիսիները լսում են Փեսայի ձայնը. «Քանի որ սէր չցուցաբերեցի՛ք ձեր եղբայրներին, եւ խզուեցիք միաբանութիւնից՝ գնալու էք արտաքին խաւար»:

Իսկ ովքեր առողջ են պահում հոգեւոր սիրոյ եղբայրութեան միաբանութիւնը, եւ իրենց միամտութիւնն են պահում վերակացուի հանդէպ՝ երանելի են լինելու, եւ նրանց վրայ երեւելի են լինելու բոլոր բարի հանգամանքներն ու առաքինութեան հետեւանքները:

Եղբայրը եղբօր բարի գործի յորդորելով Աստուածութեան սիրոյն՝ նրան մղում է բարի նախանձի, որպէսզի նա փութայ իւրաքանչիւր գործը կատարելու ամենայն հաւատարմութեամբ, եւ անդանդաղ կատարի Տիրոջ փառաբանութիւնը՝ որպէսզի օր-օրի մի յաւելում լինի իր լաւութեանն ու պիտանիութեան:

Պէտք է զգաստութիւն եւ զգուշութիւն ունենան գործաւորները՝ որպէսզի իրենց վստահուած ամեն բան ստուգութեամբ աւարտեն, հաճելի լինելու համար Աստծուն, առաջնորդին ու եղբայրութեան:

Որեւէ պատճառով որեւէ եղբայր պէտք չէ խափանի իր մասնակցութիւնը ընդհանրական պաշտամունքին՝ բացառութեամբ եթէ զբաղուած լինի եկեղեցու պէտքերի համար, այն էլ վերակացուի հրամանով. սակայն գործի աւարտին՝ նա անպայման պէտք է կատարի աղօթքը:

Եւ նա որտեղ որ էլ գտնուի՝ անձնապէս ու անխափան պէտք է կատարի աղօթելու պաշտամունքը, լինի տանը, ճանապարհին, գործի մէջ, ննջելուց առաջ կամ արթնանալով: Եւ մտքից պէտք չէ՛ հանի Աստծուն յիշելը՝ այլեւ Նրա կամքը կատարի բոլոր արուեստներով, սրբութեամբ եւ արդարութեամբ. եւ մտքով միշտ պէտք է դեգերի Աստուծոյ ողորմութեան դռների մօտ՝ անդադար խնդրանքներով, եռանդասէր հոգուով ու ջերմեռանդ արտասուքներով՝ որպէսզի իր աղօթքները ընդունելի լինեն, եւ Ամենակալն Աստուած պարգեւատու լինի իրեն՝ քանզի Նա բոլորի փրկութիւնն է կամենում, եւ արժանացում է Քրիստոս Յիսուսի արքայութեան:

Եւ բոլոր եղբայրները պէտք է դիւրահաւանութիւն ցուցաբերեն վերակացուին՝ ճմարիտ սուրբ սիրով: Եւ որեւէ մէկը պէտք չէ խնդրի կատարել իր ցանկացած գործը՝ այլ ինչ որ նա՛ է յանձնարարում ընդհանուրի նիւթական կարիքների եւ հոգեւոր շահերի համար:

Որպէսզի բոլորը կարողանան ասել. «Աստծուն ընծայուելուց յետոյ՝ բոլորս էլ կարողացանք խափանել մեր մարմնի ու մտքի կամեցածը, եւ մեր անձերը նախ յանձնեցինք Տիրոջ ծառայութեան՝ եւ ապա առաջնորդի հնազանդութեան, ըստ Աստուծոյ պատուիրանին, այնպէս՝ ինչպէս Սուրբ Հոգին է աւանդել մեզ:

Քանզի ինչպէս մարմնի անդամները իրար յօդուելով ու պատշաճելով մի մարմին են կազմում՝ իւրաքանչիւրն իր ինքնուրոյն ներգործութեամբ, ինչպէս աչքերը տեսողութեամբ, ականջները լսողութեամբ, ռունգերը հոտառութեամբ, լեզուն խօսողութեամբ, բերանը ճաշակելով, ձեռքերը գործունէութեամբ, ոտքերը երթեւեկութեամբ, միտքը իմացութեամբ՝ որոնց տուեալներով էլ զգայարանները կարող են հոգեւոր ու մարմնաւոր գործեր կատարել

Նոյնպէս էլ Աստուծոյ ժողովուրդն է իրար յօդւում սիրով՝ եւ միաւորւում է Աստուծոյ կամքին ու առաջնորդական մտքին, որն էլ վերակացութիւն անելու տեսչութիւնը միշտ ստացած է լինում եղբայրութիւնից. իսկ միւսները նրա հաւանութիւնն են առնում՝ իւրաքանչիւրն ըստ իր ներգործութեան⁸²⁷827. Նաեւ՝ ներդրումին։:

Իսկ որեւէ անդամ եթէ թուայ տկար լինել՝ ապա կարեւորւում է նրա սպասաւորութեան հանգամանքը միւս անդամներին: Եւ քանի որ կարելի չէ հատել առողջ անդամները՝ ուստի անբուժելիօրէն ապականուածի հատումը անհրաժեշտ է դառնում, որովհետեւ անբուժելի վէրքեր ունեցողին անհնար է մեկուսացնել միւս անդամներից:

Նոյնպէս անբուժելի է՝ ով որ անջատւում է միաւորուած եղբայրութիւնից, եւ հեռանում է վանքից՝ անարգելով ուխտը, սէրն ու դաշինքը Աստուծոյ առաջ՝ եւ մասնակից է դառնում յաւիտենական տանջանքներին:

Բայց եթէ վերակացուի եւ եղբայրութեան ընդհանուր որոշումով մէկը պարտադրուի եպիսկոպոսութեան կամ առաջնորդութեան, եւ ոմանք էլ քահանայութեան՝ որոնք կարգային նոյն զօրութիւնն ունեն Տիրոջ մօտ, իսկ ենթական չյօժարի իր կամքով՝ այլ միայն առաջնորդի ու եղբայրների պարտադրութեամբ, նա պէտք է բազում արտասուքներով ու ապաշաւանքով իր հաւանութիւնը տայ՝ վասն ուրիշների փրկութեան, ի հարկէ եթէ չի հայհոյել մեր Տէր Աստուծոյ հասցէին: Եւ իր ճշմարիտ սուրբ սիրոյն համար՝ նրան պէտք չէ զրկել եղբայրութիւնից ու հանել առաջնորդի հաւատարմութիւնից, այլ պէտք է հոգալ նրան՝ ընդհանուրի հոգեւոր կատարելութեան համար:

Եպիսկոպոսների բոլոր ուղղափառ ժողովները՝ որոնք հաստատել են ուղղափառ հաւատքն ու եկեղեցու կանոնները, սահմանել են նաեւ հետեւեալը՝ նզովքներով. «Որեւէ եղբայր՝ ասում է, պէտք չէ համարձակուի վանքից դուրս ելնել ու գնալ ուզած տեղը՝ առանց առաջնորդի եւ եղբայրութեան կամքին. իսկ ով որ հանդգնում է՝ ընկնում է հայրերի նզովքի տակ»:

Քանզի իւրաքանչիւր ոք պէտք է մնայ այն գործին՝ ինչին կոչուել է, ասում է Առաքեալն Աստուծոյ⁸²⁷827. Նաեւ՝ ներդրումին։: Որովհետեւ բոլորը միասին հրաւիրուել են մի՛ յոյս-իմացականութեան՝ Քրիստոսի իմաստութեան, որպէսզի լինեն մի՛ պատուական մարմին՝ կազմուած Նրա սուրբ մարմնով եւ արիւնով, եւ պատսպարուած Նրա փառաւորութեամբ:

Ապա եթէ մէկը որեւէ պատճառ ունենայ մեկուսանալու՝ պէտք չէ ծածկի առաջնորդից ու եղբայրութիւնից: Որովհետեւ Աստուծոյ եւ ամբողջ ուխտի առաջ հաւաստի է համարւում շատերի վկայութիւնը:

Եթէ Մովսէսի օրէնքն արհամարհողը երկու կամ երեք վկաների առկայութեամբ սպաննւում էր առանց ողորմութեան, ապա ինչքա՞ն սաստիկ պատիժների պէտք է արժանանան նրանք՝ ովքեր մարմնով ու արեամբ դաշնաւորուել են միաբանութեան հետ ըստ ուխտի, եւ սկզբից խօստացել են մինչեւ վախճան պահել միաբանութեան աւանդը՝ ըստ աշխարհից հրաժարման կարգի, երբ նաեւ գիտեն Տիրոջ խօսքը⁸²⁸828. Ա․ Կորնթ․ Է 20։. «Իմն են վրէժխնդրութիւնները. եւ Ես պատիժները հատուցելու եմ՝ ասում է Տէրը, թէ՛ հներին եւ թէ՛ նորերին»:

Այլեւ վերակացուն պէտք է ջանայ մտապահել բոլորին տուած գաղտնի կամ յայտնի խրատները, որպէսզի կարողանայ ուղղել արդարութեան ճանապարհից թիւրեալներին՝ ու տանել ճշմարտութեան աւանդներին: Նաեւ ընդհանրապէս անհոգ պէտք չէ վերաբերուի խոստովանութիւններին՝ որ ենթականերին ուղղի հոգուով ու մարմնով, եւ կատարելութեան հասցնի բոլոր իրեն վստահողներին՝ ու կանգնեցնի Քրիստոսի⁸²⁹829. Բ․ Օր․ ԼԲ 35 (Հռոմ․ ԺԲ 19 – Անթ․)։ բեմին առաջ: Քանզի ինչ որ նա անում է եւ ուսուցանում՝ դրանցով էլ մեծանալու է Աստուծոյ առաջ:

Ով որ տնտես է՝ պէտք է իրեն Աստուծոյ մատակարարը համարի. պէտք է ահով ու երկիւղով տնտեսվարի հաւատացեալներին՝ Աստուծոյ աւանդներով. եւ պէտք է զգուշացնի նրանց՝ որ ծուլանալով չկորցնեն իրենց մարմինը, եւ կամ այն արհամարհելով՝ չարտաքսուեն դրանից. նաեւ որ անփոյթ չլինեն աւանդների նկատմամբ՝ յաճախ տարուելով Աստծուն ոչ հաճելի զբաղմունքներով. եւ պէտք է զգուշացնի, որ կրելու են Տիրոջ դատաստանը՝ եթէ իրենց մտքից հանեն Նրա խորհուրդներն ու գործերը:

Որովհետեւ ամեն ինչ Աստծուց է նուիրւում՝ եղբայրութեան բարօրութեան համար:

Նա պէտք չէ հեղգանայ իր գործում՝ եւ կամ եղածը բաշխի անհաւասար. այլ իր աչքի առաջ պէտք է ունենայ Աստուծուն՝ եւ Նրա ահով ու վերակացուի հրամանով մատակարարի ամեն ինչ ստուգապէս:

Նա արթուն եւ զգաստ պէտք է լինի որեւէ սպասաւորութիւն կատարելուց՝ դարմանումներն անելով ըստ կարիքների: Հիւանդ ծերերին, տկարներին, ճանապարհորդներին, վաստակաւորներին⁸³³833. Աշխատութեամբ հոգնածներին։, նաեւ վնասուածների⁸³⁴834. Վթարուածներին։ կարգում համարուողներին՝ պէտք է ըստ արժանիքների անի մատակարարումները, հոգեւորապէս⁸³⁵835. Անհատապէս։՝ ըստ Աստուծոյ:

Ո՛չ աչառութեամբ եւ կամ բորբոքուածութեամբ՝ որպէսզի չզրկուի՛ հատուցման վարձերից. այլ ինչպէս մայր՝ գութով լինի բոլորի հանդէպ, որպէսզի Ամենակալ Հօրից ստանայ իր վարձքը. «Եկէ՛ք Իմ Հօր օրհնածներ՝ ժառանգեցէ՛ք արքայութիւնը. որովհետեւ երբ իմ եղբայրների տնտեսութիւնն արարեցիք՝ Ի՛նձ համար կատարած եղաք»⁸³¹831. Մատթ․ ԻԵ 40 (34 – Անթ․)։: Էլ չենք ասում թէ այդպէս չանողները ստանալու են պատուհասների պատիժը՝ անշէջ հուրը:

Ովքեր շաբաթաւորներ^Ծ-118118. «Շաբաթաւոր» - Մի շաբաթուայ գործերը ղեկավարելու նշանակուած անձ: են՝ պէտք է ուշադիր լինեն կացարաններին, ^Ծ-119119. «Կահուցն զգուշասցին» - «կացարաններին զգոյշ լինեն»: «Կահ» արմատը համապատասխանում է անգլ. «cab»-ին, որից՝«կաբինետ»- «գրասենեակ»-ը: «Կահ»-ը մեկուսի սենակ է՝վանական համալիրում իւրաքանչիւր վանականի կացարանը: Իսկ «կահ-կարասի»-ն կաբինետային- կացարանային կարասին է, պիտոյքները՝ աթոռը, սեղանը եւայլն: եւ գործը կատարեն մտերմութեամբ:

Եւ հիւրերի տեսուչները պէտք չէ անտեսեն կարօտեալներին, այլ հիւրերի սնունդը լցնեն զուարթամտութեամբ՝ ըստ իւրաքանչիւրի կարիքին. պէտք չէ՛ աղմկեն խնդրուածների համար՝ այլ բոլորին ճանապարհեն սիրով ու անխռով, լինի խօսքերով թէ իրերով: Եւ որեւէ պատճառով պէտք չէ՛ խանգարեն հիւրերի պահքն ու աղօթքը՝ որ չզրկուե՛ն Աստուծոյ վարձքից. այլեւ աղօթքների ժամին պարտ են զգաստացնել բոլոր գործաւորներին՝ որ հեղգանալու համար դատաստանի առաջ չկանգնեն⁸³²832. Ղուկ․ ԺԲ 45։: Եւ որեւէ իրադարձութեան մէջ պէտք է կառավարուեն վերակացուի հրամաններով՝ որովհետեւ նրա ամեն մի խօսքը ընդունելի պէտք է լինի բոլորի կողմից, Տիրոջ կամքով: Եւ ինչ որ տեսուչների կողմից է մատակարարւում՝ վերակացուն պէտք է տեղեակ լինի դրան ինչպէս հարկն է:

Այլեւ ովքեր տեսուչն են հողագործ եզների, արօտական խաշների, կթուող հօտերի եւ բեռնակիր գրաստների՝ պարտ են բոլորին ուշադիր լինել խնամածութեամբ, եւ հաւատարմութեամբ ցոյց տան Բարձրեալից շնորհուած^Ծ-120120. «Շայեկան» - «վերեւից, երկնքից, Աստծուց եկած»: Բառի արմատ «շայ»-ը «շահ»-ը չէ: Դա հապաւուած բառ է, առաջացած «վիշայ»- ից, որը մնացել է ռուսերէնում՝«վիշշի»-«բարձրագոյն», «վիսոկի»-«բարձր» բառերում: արդիւնքները՝ լիակատար ճշմարտութեամբ: Որպէս Աստուծոյ գործավարներ եւ իմաստուն մշակներ՝ պարտ են արդիւնակատարները⁸³⁶836. Քաղուած արդիւնք-պտուղները, հունձքերը։ ժողովել շտեմարաններում, որ աննուազ լինեն:

Տէր Աստուծոյ տունին պատկան պտղաբերութիւնից տեսուչները պէտք է տան աշխատողներին՝ որոնք կարիքն ունեն, որ Արարչից հատուցումն ստանան՝ իւրաքանչիւրն ըստ իր վաստակին. որովհետեւ Նա ծածկաբար տեսնում ու հատուցում է, եւ յայտնապէս Իր այցելութեան օրում անսպառ բարիքներով է հատուցելու:

Որովհետեւ իրենց տրուած սակաւին հաւատարիմ եղողները՝ վայելելու են Տիրոջ բազում բարիքները837։

Սոյնպէս որոնց որ վստահուել է օդը⁸³⁸838. Կենդանիների մորթն ու կաշին։՝ պարտաւոր են առանց հակառակութեան եւ ակնառութեան հոգալ իւրաքանչիւրի կօշիկի պէտքը, նաեւ նրանց կաշուեղէն այլ իրերի կարիքները:

Այս ամենին նպաստում է հեզութիւնը՝ թէ՛ պէտքերը խնդրողներին եւ թէ՛ խնդրուածը կատարողներին. նպաստում է նաեւ արժանաւոր սէրն ու խոնարհ սիրտը՝ որպէսզի օրհնութիւններ ժառանգեն:

Նոյնպէս եւ իւրաքնաչիւր մարդ՝ որին վստահուել է գործել կամ հոգ տանել եղբայրութեան կարիքների համար, պարտաւոր է գործել ահով, զգաստութեամբ ու առանց խարդախութեան: Պարտաւոր է միշտ իր աչքի առաջ ունենալ Աստծուն՝ եւ երբէք չխուսափել ճշմարտութիւնից, այլ որպէս ստոյգ Աստուծոյ մշակ՝ անխարդախ լինել ամեն ինչում:

Բոլոր գործավարների ու գործակալների համար էլ պէտք է առաջնահերթ լինի Տիրոջ երկիւղը. որ երկիւղով հզօրացնեն գործը՝ եւ հոգեխառն յառաջդիմութեամբ օգուտներ շահեն, եւ անվեհեր փութով հաւատարիմ մնան մշակութեան գործին: Ո՛չ թէ մարդկանց հաճոյ լինելու համար՝ այլ Աստծուն, որ քննում է սրտերն ու երիկամները՝ մտապահելով իւրաքանչիւրի յօժարութիւնը, խօսքն ու գործը:

Ովքեր հաւատարիմ են լինում Աստուծոյ պատուիրաններին, եւ եղբայրութիւնը շէնացնում են հոգեւոր ու մարմնաւոր շահերով՝ ըստ ուխտի հաւանութեան, ժառանգելու են յաւիտենական կեանքը:

Իսկ ով որ հակառակութեան, անսրտցաւութեան եւ պղերգութեան մտքեր ունենալով՝ ճշմարտութիւնից հեռանում է խռովութեան եւ նախանձի, ստահակութեան, տրտունջքի եւ բամբասանքների, եւ շոգմոգութեամբ բանսարկութեան՝ նրա վրայ գալու եւ մնալու է բարկութիւնն Աստուծոյ, հուրը ահեղ եւ ամենափորձ՝ որ այրի խոտանը, իսկ սուրբերին լուսաւորի անշիջելի լոյսով:

Եւ վերակացուն պարտաւոր է լինել բարեմիտ հայր՝ բարեխորհ եւ բարեգործ: Պէտք է օրինակ ծառայի բոլորին իր բարեձեւութեան կարգերով, կրօնով, աղօթքներով, պահքով, խոնարհութեամբ ու հեզութեամբ, ուղիղութեամբ ու ճշմարտութեամբ, տքնութեամբ ու արտասուքներով, խաղաղութեամբ ու հանդարտութեամբ, սիրով եւ երկայնամտութեամբ, իրաւացիութեամբ ու արդարութեամբ, աշխատութեամբ ու ժուժկալութեամբ, պարկեշտութեամբ ու զգաստութեամբ, անարատութեամբ ու անբծութեամբ, լինի անբամբաս ու բոլորից վեհագոյն՝ եւ բոլորին վերաբերուի արդարութեան օրէնքներով:

Եւ Աստուծոյ օգնութեամբ շահելով ժողովրդի վստահութիւնը՝ պէտք է իմաստութեամբ ու գիտութեամբ խրատի նրանց, որ անցնեն սրբութեան ու առաքինասէր բոլոր վարքերին, եւ արհամարհեն աշխարհիկ սէրը՝ որպէսզի իրենցից իւրաքանչիւրի մէջ հաւաստիօրէն երեւելի դառնայ Աստուածային սէրը: «Քանզի ովքեր սիրում են Ինձ՝ ասում է Տէրը⁸³⁸838. Կենդանիների մորթն ու կաշին։, պահում են Իմ պատուիրանները. իսկ ով Ինձ չի սիրում՝ չի պահում դրանք»:

Դրա համար էլ վերակացուն կոչուել է հոգեւոր հայր, եւ նրանից ծնունդ առնողներն էլ հոգեւոր որդիներ՝ ըստ ճգնաւորական կարգի, որն առաւել հանգամանքներ ունի՝ քան մարմնական ծնունդը. դա ամբողջական նմանութիւն ունի մկրտութեամբ ծնունդին:

Եւ այսպէս կարելի է լինել լոյսի եւ արդարութեան որդի՝ հրաժարուելով աշխարհիկ զբաղմունքներից, որոնք մթաքնում են միտքը, եւ խաւարեցնում են զգայութիւնները՝ դարձնելով խաւարի որդիներ ու դժոխքի ժառանգորդներ:

Հոգեւոր ծնունդ ունենալու համար պէտք է տիրապետել հոգեւոր վարքերին՝ կատարելապէս հնազանդելով հոգեւոր հօրը, որի միջոցով էլ խոստովանութիւնը Աստծուն պէտք է ընծայել ստուգութեամբ, եւ այդ ընթացքում պէտք չէ թոյլ չտալ սուտեր՝ որպէսզի իւրաքանչիւր սխալի պատճառած վնասների բուժման դեղը դիւրութեամբ որոշուի: Եւ պէտք է հաւան լինեն ու հպատակուեն հոգեւոր հօր ամեն մի հրամանին՝ որպէս երկնաւոր Հօրից ստացուած հրամանի, կատարելու համար նրա պատուիրանը՝ որ ընդհանուր եղբայրութեան վերաբերուող հանգամանգները իրագործուեն հոգուով ու ճշմարտութեամբ:

«Պէտք է այնպէս խորհել ու անել՝ ինչպէս Յիսուս Քրիստոս, որ Հօրն է հնազանդել մահանալու աստիճան՝ ու մինչեւ խաչելութեամբ մահը»⁸⁴⁰840. Փիլ․ Բ 8։: Եւ Նա ամօթ չի համարել եղբայր անուանել Աստուածային կրօնի կարգին կոչուած ու հրաւիրուածներին՝ ասելով⁸⁴¹841. Սաղմ․ ԻԱ 22 (23-24 – Անթ․)։. «Քո մասին Իմ եղբայրներին եմ պատմելու՝ եւ քեզ օրհնելու են եկեղեցիներում»:

Եւ այսպիսի հաւանող⁸⁴²842. Սերմանող։ մտքով ու սուրբ սիրով պէտք է վերաբերուել բոլոր վնասակարներին՝ որոնք երկրին են ձգտում, բայց պէտք է գնալ բարձրագոյնների հետ դէպի երկնայիններն ու անմահները՝ որոնք կուսութեամբ ու անարատ վարքերով հասել են երկնային սեպհականութեան, եւ միշտ փառաբանում են Ամենասուրբ Երրորդութիւնը:
Քանզի մաքուր, ամբիծ եւ անարատ կուսութիւնը ընտանութիւն ունի երկնաւորների վերին զօրքերի ժողովների հետ՝ եւ նրանց նման փառաբանում է Աստծուն:

Քանզի ճգնաւորներն իրենց վարքով նմանւում են երկնայիններին՝ եւ նրանցից ստանում են արուեստի կարգերի հանգամանքները, ըստ իւրաքանչիւր գործի:

Որովհետեւ ճգնաւորների երկրային բանակները սուրբ սիրով եւ անբիծ զգաստութիւններով են ճշմարտւում, եւ հրեշտակային կարգաւորութեամբ յարդարուելով՝ ունենում են երկնային բանակների համեստութիւնը:

Արդ, անմարմին զօրքերի պետերն ու իշխանները ըստ իւրաքանչիւր կարգի՝ կամովին սպասաւորում են Աստծուն, իրար ու մարդկանց ազգին՝ որովհետեւ բոլորիս Տիրոջ կողմից նրանց սահմանուել է կամք, իւրաքանչիւրին տրուել է իշխանութիւն, պատիւ ու սպասաւորութիւն՝ ըստ Աստուծոյ նախախնամութեան:

Իսկ երկնային իշխանների շարքից ստամբակեալն⁸⁴⁴844. Սատանան։ ու իր բանակը Բարու⁸⁴⁵845. “Բարի»-ն Աստուծոյ պատուանուններից մէկն է։ կողմից վար նետուելով՝ մեր դէմ պատերազմող են դարձել, ու անուանուել են սատանայ ու դեւեր:
Ըստ այդ անուններին՝ նրանք ունեն Բարուն հակառակ գործեր, ամբողջովին մեղսասիրութիւն՝ թէ՛ ինքը եւ թէ՛ իր ամբողջ չար զօրքը:

Իմանալի են ճգնաւորների բանակները՝ որոնք հրեշտակային կարգեր ունեն երկրի վրայ, եւ որոնք վերամբառնալու են նոյն հրեշտակային կարգերին՝ անկեալ հրեշտակների փոխարէն:

Եւ «Նրանց տրուելու է՝ ասում է մարգարէն⁸⁴²842. Սերմանող։, առաւել անուանի տեղ՝ քան իմ ուստրերին ու դուստրերին, եւ տրուելու է հաւիտենական անուն՝ ու նրանց փառքը չի պակասելու»:

Նշուած աւետիսն ունեն սուրբ ժողովականների բանակները՝ որոնք իրար են միաբանուել սուրբ սիրով ու առաքինասէր վարքերով, եւ իրենց յոյս-իմացականութեամբ կապուել են Աստուածութեան՝ ու ո՛չ թէ երկնայիններից վար բերուածներին, եւ պատրանքներին բանսարկուի՝ որ ճգնաւորների կրօնի դէմ մեքենայութիւններ է անում, ու մշտական թշնամին է արդարութեան: Եւ նա՛ է՝ որ հրապուրելով օցտում է⁸⁴⁶846. Հեռացնում է - oust: ճշմարիտ աւանդներից:
Եղբայրներից ոմանց նա իրարից բաժանում է սնափառութեամբ՝ բարեգործութեան պատճառաբանութիւններով, եւ սնոտի խաբէութեամբ՝ նրանց մղում է մեղքերի: Եւ պատահում է՝ որ նրանցից ոմանց խորհուրդների եւ զգայութիւնների մէջ է ներմուծում ամբարշտութեան վնասները:

Այսպիսի յոյս-իմացականութիւն ունենալով՝ կրօնաւորները պէտք է բազում զգուշութեամբ լծուեն իրենց վարքերի մշակութեան, բարեձեւութեամբ ու երեւելի ու անեւոյթ սրբութեամբ՝ որպէսզի չզրկուեն իրենց առաքինութեան համար տրուող այդքան պատիւներից, հրեշտակային դասից ու փառքից՝ որոնք իրենց աւանդուել են Արարչից:

Պարտաւոր են իրենց վերին⁸⁴⁹849. Մտաւոր։ պակասութիւնները լցնել ներքինով⁸⁵⁰850. Հոգեւորով։՝ առաքինութեամբ վերաբերուելով գետնաքարշերին, ու լինեն հաղորդակից Բարու քաղաքավարութեան, եւ այդ բոլորով միաձայնելով Ամենասուրբ Երրոդութեան՝ Նրան փառք մատուցեն անճառելի⁸⁵¹851. Աննկարագրելի։ օրհնութեամբ:
Եթէ ճշմարիտ հաւատքով այսպէս արդար դառնան կրօնաւորները, եւ կրօնաւորեն անարատ վարքերով ու սուրբ սիրով՝ ապա իրենց երկիրը կը լինի նոր, Աստծուն հաճելի կեանքով նորոգուած, նաեւ երկինքը կը լինի նոր847՝ իր պայծառազգեստութեամբ, ինչպիսին ոչ աչքն է տեսել, ոչ ականջն է լսել, եւ ոչ էլ մարդու սիրտն է զգացել: Այն պատրաստել է Տէրն Աստուած՝ սուրբ կոյսերի եւ ճշմարտասէր կրօնաւորների համար:

Այլեւ երկնայինների յիշատակներն ու յոյս-իմացականութիւնն ունեցող հայրերը պարտաւոր են լինել բարեսէր, բարեգութ եւ բարեխորհ՝ նմանուելով Հօրն երկնաւոր, որն Իր նախախնամական սիրով է խնամում բոլոր արարածներին հոգեպէս ու մարմնապէս՝ երեւելի եւ աներեւոյթ դարմաններով, հոգեխառն սիրով՝ ու բարեպաշտագոյն Քրիստոս Յիսուսի երեւմամբ:

Եւ բարին հաւանող, սրբասէր ու ճշմարտասէր որդիները՝ պէտք է հեռանան բոլոր երեւելի ու աներեւոյթ դժնդակութիւններից, եւ ամուր կառչեն հրեշտակային վարքերին սուրբ սրտով, անարատ մարմնով, ողջախոհ խորհրդով, իրաւախոհ անկեղծ հավատով՝ եւ հնազանդեն հոգիների Հօրն ու մարմինների Տեսուչին:

Եւ մի անգամ որ Տիրոջ հաճութեան հանգուցուած լինեն հոգուով պաշտելով Նրան՝ կը վստահեն Նրա ընտանութեան, հոգեւոր հարազատութեան՝ ու առանց երկմտութեան կը միաւորումեն իրար իբրեւ մի մարմնի անդամներ, քանզի մի՛ մարմին կը լինեն Քրիստոսով:

Ձեր անխախտ յոյս-իմացականութեան մէջ պի՛նդ պահէք ձեր խոստովանութիւնը՝ եւ նոյն հաւատքով կատարեալ կը դառնաք: Կապուած լինելով միաւորող հոգուով, զրահաւորուած յօդերով⁸⁵²852. Լուսապսակային կապերով, աուրայով։, եւ պնդացած նոյն հաւատքի անխզելի կապակցութեամբ՝ խաբէութեան ո՛չ մի բարեձեւութեամբ չի՛ կարող քանդուել ամրութիւնը եղբայրութեան միաբանութեան:
Վասն զի Տիրոջ միայն ա՛յս աւանդն է անվրէպ փոխանցուել մեզ Առաքեալների միջոցով՝ ուր ասւում է⁸⁴⁸848. Յովհ․ ԺԳ 34, 35։. «Երբ իրար հանդէպ ձեր սէրը անքակտելի կը լինի՝ նրանով ճանաչելի կը լինէք բոլորի կողմից, թէ Իմ աշակերտներն էք», ինչը կատարելութեան հասնելու գլխաւոր պայմանն է:

Եւ ով որ առանց առաջնորդի ու եղբայրութեան կամքի ինքնագլուխ մտածի առաքինութիւն համարել իր արած որեւէ գործը՝ եթէ նոյնիսկ ինքը լինի բարձրագոյններից մէկը, անընդունելի կը լինի իր գործը Աստուծոյ մօտ՝ եւ նա մեղաւոր կը համարուի:

Իսկ ովքեր ճշմարիտ աւանդութիւնները հաստատուն են պահում՝ «Նրանց տեղ եմ տալու Իմ տան մէջ, որ այնտեղ հաստատուեն հոգուով ու մարմնով միասնաբար՝ եւ ո՛չ թէ իրարից անջատ, եւ սուրբ սիրով ապրեն միաբանութեամբ»:

Վասն զի սա՛ է մայրը բոլոր բարիքների:

Դրա համար յաճախ եմ կրկնում սիրոյ մասին՝ որովհետեւ դա է բարին եւ ընդունելին Աստծուց, եւ նոյնիսկ Նրա հրամանն է:

Այլեւ պէտք չէ որեւէ տեղ յածիլ խորհուրդով ու գայթակղուել մարմնով՝ այլ պէտք է միամիտ կամքով Տիրոջ լաւագոյն կարգաւորութեան մէջ մնալ, եւ յիշել վերին մարդասէր երկնաւոր Հօր որդեգրութիւնը: Պէտք է վերցնել հոգեւոր գրաւականը⁸⁵³853. Աստուածաշունչը։՝ եւ ուսանել Նրա հանգամանքները. եւ հեռանալով եղածներից ու երեւացողներից՝ պէտք է երկնայինները փափաքելով արհամարհել երկրայինները:

Եւ հեռանալով աշխարհիկ զբաղմունքներից՝ պէտք է մերձենալ հրեշտակայինների վարքերին, որպէսզի Տէրն Իր լոյսի եւ առակների միջոցով մեզ ցոյց տայ իրողութիւնների հանգամանքներն այստեղ՝ կարծես հայելուց անդրադարձող: Որպէսզի Տիրոջ մարմնի եւ արեան միջոցով վերականգնուի մեր զգաստութիւնը՝ եւ միշտ արժանաւորապէս մեզ հաղորդի մեր ճշմարիտ մաքրման մասին, կենդանարար Քրիստոսի ազատութեանն արժանանալու մասին՝ ինչը շնորհւում է Աստծուն սիրողներին՝ եւ Աստուածային կարգերին կոչուած սուրբերին: Որպէսզի Իր յաջորդ գալստեան՝ մեզ շնորհի անսպառ բարիքները Հօր, Որդու եւ Սուրբ Հոգու՝ որինն է փառքը յաւիտեանս յաւիտենից. ամէն: