3.Աբեղեաններ, Գաբեղեաններ, եւ Սուրբ Գրային մի առեղծուած

Իմացանք թէ Աբելի սերունդների նախնական բնակավայրը գտնուել է Դրախտի այգի Բասէնի արեւելքին՝ Մեծ Հայքի Այրարատ նահանգի Երասխի հովտի Աբեղեանք գաւառում (Ատլաս, էջ 45): Տես՝ Պատկեր «14»:

Պատկեր «14» Աբեղեանք գաւառի դիրքը

Աբեղեանք գաւառից անմիջապէս հարաւ-արեւելք՝ Ջրաբաշխ լեռների տարածքը կոչուել է «Գաբեղեանք», Գաբեղեան նախարարական տան գաւառը (Տես՝ Պատկեր «15»):

Պատկեր «15» Գաբեղեանք կամ Ջրաբաշխ լեռներ

Ովքե՞ր են Գաբեղեանները:

Խորենացին անորոշաբար ասում է. «Ոմն Գաբեղ՝ որից էլ Գաբեղեանների նախարարութիւնը»:

Սուրբ Գրոց արաբական տարբերակում «Կայեն»-ը ներկայանում է «Քաբիլ» (ﻞﻴﺒﻗ) անուամբ,¹⁵⁸158. Ագաթանգեղոսի “Պատմութիւն Հայոց»-ում (նոյն, էջ 151) Գրիգոր Լուսաւորիչը «Գաբել»-ի փոխարէն օգտագործել է «Կահել»՝ որտեղ «Գ»-«Կ» անցումը կարող է աղաւաղման արդիւնք լինել, իսկ «բ»-«հ» ամցումը բարբառայնացման երեւոյթ է։ Այդ անցումով էլ բառը մի նոր իմաստաւորում է ձեռք բերել արաբների մօտ («Գաբել»- «ﻞﺒﺟ »-«լեռ»-ից անցում « ﻞﻬﺟ »-«ջահըլ»=տհասութիւն, ջահելութիւն)՝ բնութագրելով Գաբեղեանների էութիւնը։որ բարբառային ձեւն է «Գաբեղ»-ի:¹⁵⁹159. Հաամեմատել Աֆղանիստանի մայրաքաղաք «Քաբուլ»-«Քաբիլ»-ի հետ։ Հետեւաբար Գաբեղեանները նոյն ինքն Կայենի սերունդներն են:

Ի՞նչ է նշանակում «Գաբեղ»:

«Գաբեղ»-ը ճիշդ տառադարձելով արաբերէնի՝ ստանում ենք «ջաբալ» (ﻞﺒﺟ), որ այդ լեզուով նշանակում է «լեռ»: Եւ իսկապէս՝ Գաբեղեանքը ամբողջովին լեռնային տարածք է, ուստի «Գաբեղեանք»-ը սկզբնապէս պիտի նշանակէր «լեռնայինք», «լեռնցիներ» (յետագայում նաեւ «անապատականներ»):

Բացայայտելով Կայենեան-Գաբեղեանների առաջնային բնակավայրի տեղադրութիւնն ու «Գաբեղ»-ի իմաստաբանութիւնը ըստ արաբերէնի՝ պարզ է դառնում, որ լեռնաբնակ (ապա եւ անապատաբնակ)¹⁶⁰160. “Գաբեղ»-ից է առաջացել «գաբիլա» հնչող արաբ․ « ﺔﻠﻴﺒﻗ » =«անապատական տօհմ» բառը։լինելով՝ նա ու նրա ժառանգները չէին կարող հողագործ լինել, այլ խաշնարածներ:¹⁶¹161. Նախքան Կայենի եղբայարասպան լինելը՝ Գաբեղեաններն եղել են հանքափորներ, մի գուցէ եւ քիմիկոսներ։ Եւ ընդհակառակը՝ Երասխաձորի հարթավայրերի բնակիչ Աբեղեանները պիտի լինէին հողագործներ:

Մինչդեռ Սուրբ Գրոց այսօր շրջանառուող խմբագրութիւններում Կայենը ներկայացուել է որպէս հողագործ՝ իսկ Աբելը հովիւ:¹⁶²162. Իբրեւ թէ Աբելը գառնուկ է նուիրաբերել Աստծուն, իսկ Կայենը՝ բուսականութիւն։

Յետագայում Գաբեղեանների զբաղեցրած ուրիշ մի բնակավայրի մասին գաղափար ենք կազմում Հոմերոսի բերած մի տեղանունից՝ ի հարկէ բարբառայնացուած հնչերանգով: Այն «Կեփալենիա» կղզիախումբն է (ըստ մեզ՝ Գաբեղենիա), Յունաստանի արեւելեան ափերի մօտ՝ Իթակէից ոչ հեռու, բաղկացած Զամոս, Զակինթոս եւ Դուլիքիոն կղզիներից:

Հնարաւոր ենք համարում, որ Փռիւգիացիների պաշտած աստուածուհի Cybele-ն լինի Գաբեղ-Կայենի կինը:¹⁶³163. « Oxford Illustrated Dictionary» , printed in Great Britain, 1963, « Corybant» բառի տակ։

Հետեւութիւն.-

Այս տուեալները ցոյց են տալիս՝ որ Սուրբ Գրքում տեղի է ունեցել ահռելի մի աղաւաղում,¹⁶⁴164. Տես՝ 311-րդ ծանօթագրութիւնը, որով ջրի երես է ելլնում դարերով ու խնամքով թաքցուած – ճմարտութիւնը։ ինչը կատարել են քոչուոր անասնապահ Կայենի սերունդները՝ եւ փորձել են սեփականացնել նստակեաց Աբելի եւ նրա սերունդների ստեղծարար կենսագրութիւնն ու պատմութիւնը, նաեւ ձեռքբերումները: Քանզի քոչուորական կեանք վարողներն իրենց դարաւոր պատմութեան ընթացքում՝ երբէք չեն կարողացել քաղաքակրթուիւն ստեղծել: