Բ.Գիրք՝ Ծննդոց
1.Ադամի Թոռը Ենովս
Աբիւդենոս պատմաբանից քաղելով՝ Խորենացին գրում է.-
«Ենովս՝ որ առաջին յուսացաւ կոչել զԱստուած»:134134. Մ․ Խորենացի, նոյն, էջ 14։
Ապա նա հարց է տալիս, թէ ի՞նչ է նշանակում «որ առաջին յուսացաւ կոչել զԱստուած»-ը, եւ մի՞թէ Ադամին տեսանելի, եւ նրա հետ ուղղակիօրէն խօսող աստուածն անտեսանելի է դարձել նրա թոռան համար: Եւ փորձում է գտնել պատասխանը:
Մեր կարծիքով, դա նշանակում է թէ Ենովսն «Առաջինն էր, որ իմացականօրէն (հեռակայ կարգով) դիմեց Աստծուն՝ յարութեան խնդրականով»:
Որովհետեւ երկիր-մոլորակը այդ օրերին ձեռք է բերել ինքնուրոյն էներգետիկ եւ պաշտպանական դաշտ՝ «aura»-ի «ծածկոյթ», ինչի հետեւանքով էլ երկրաբնակներին անտեսանելի են դարձել Աստուածն ու երկնային իրականութիւնները:135135. Ըստ մեզ, երկրի այդ ծածկոյթն առաջացել է Զեւսի եւ Քրոնոսի միջեւ տեղի ունեցած հերղէն պատերազմի հետեւանքով, երբ գոլորշիացել է մեծ քանակութեամբ ջուր ու ծուխ՝ առաջացնելով ամպային ու գազային ծածկոյթի ահռելի մի շերտ երկրի շուրջ (այլաբանականօրէն՝ փրփուրներից ելած Ափրոդիտէն, որն ապահովել է Զեւսի յաղթանակը), որին աւելի ուշ պիտի հետեւէր մեծ ջրհեղեղը՝ «կրտսեր Մսրայ մելիք»-«Զեւս»-ի եւ «Ծուռ Դաւութ»-«Նօյ»-ի ընդհարման աւարտին։
Ենովսի խնդրականը Աստծուն՝ վերաբերւում է առաջին սպանուած մարդու, Աբելի հոգուն՝ ու նրա վերամարմնաւորմանը:136136. “Ենովս» անունը նշանակում է «սերմի նոր մարմնաւորում»։
Հետեւաբար Աբելի փոխարէն ծնուել է Սէթի որդի Ենովսը (Ադամի 3-րդ որդու որդին)՝ եւ ո՛չ թէ Սէթը: Հետեւում է, որ Աբելի սպանութիւնը տեղի է ունեցել Ենովսի ծննդից անմիջապէս առաջ, ուստի եւ Աբելն ապրել է շուրջ 435 տարի,137137. Հաշուարկել ենք ըստ Սուրբ Գրոց եւ Խորենացու տուեալների։որի ընթացքում նա անժառանգ չի մնացել՝ ինչպէս տպաւորում է Աստուածաշնչեան ընթերցումը, այլ ստեղծել է թէ՛ իր ընտանիքը՝ եւ ունեցել է թէ՛ որդիներ ու թոռներ:
Մեզ համար սոյն փաստարկն ունի պատմական ու աշխարհագրական մեծ նշանակութիւն: Դրանով իմանում ենք Հայաստանի գաւառներից «Աբեղեանք»-ի138138. Տես՝ Ատլաս, էջ 42, Այրարատ նահանգի թիւ 1 գաւառը, նաեւ էջ 44, Աբեղեանք։եւ դրա բնիկների իսկութիւնը: Այդ գաւառը եղել է Աբելի զարմերի բուն բնակատեղին: