26. Դրակոն (Օձ/Վիշապ) Համաստեղութիւն- Draco, Draconis - (Տ տառ) Կուր գետի ակունքները
Պատկեր «89»
Գլխաւոր աստղերը -
- 1. Տուբան - Thuban (sa’aban-սողուն),
- 2. Ռաստաբան - Ալվաիդ - Ասույեա - Rastaban (ra’s sa’aban),
- 3. Էտամին,
- 4. Ալտաիս (Նոդուս II), 4. Տիլ,
- 5. Ալդհիբա (Նոդուս I),
- 6. Էդասիխ(հ),
- 7. Ջանսար,
- 8. Առաքիս,
- 9. Գրումիում,
- 10.Ծիբան:
«Տուբանը որ Դրակոնի Ալֆա աստղն է՝ մ.թ.ա. 3700-1500 թուականների միջեւ եղել է ամենամօտ աստղը Հիւսիսային Բեւեռին: Երկրի առանցքի թեքման պատճառով կրկին անգամ այդ դիրքն է գրաւելու մեր թուարկութեան 21000 թուականին:
Հակառակ որ Տուբանը Ալֆա աստղն է Դրակոնի՝ բայց նրա ամենափայլուն աստղը Էտամին-ն է:
Դրակոնն ունի մի քանի զոյգ աստղեր: Նրանցից են Քումա-ն եւ Առաքիս-ը:
Դրակոն-ի գլխամասի աստղերն են Ռաստաբան-ը, Էտամին-ը, Քումա-ն եւ էպսիլոն աստղը:
Ըստ յունական առասպելաբանութեան՝ Դրակոնը Լադոն-ն է, որին Հերա աստուածուհին տեղադրել է Հեսպերիդի այգում՝ որպէսզի նա պաշտպանէր ոսկեայ խնձորների ծառը: Հերակլեսը սպաննել է Դրակոնին՝ ու վերցրել է խնձորները:
Կայ ուրիշ մի առասպել էլ՝ ըստ որի Դրակոնը Թիֆոնն է»:
Մեկնաբանութիւն.-
«Դրակոն»-«Օձ/Վիշապ»-ը գրեթէ ամբողջութեամբ պարուրում է (եւ պաշտպանում է) «Փոքր Արջ»-ին՝ նրա գլխամասից համարեայ թէ մինչեւ ծայրամասը:
Ուստի այս առասպելներում յիշատակուած «Ոսկեայ խնձորների ծառը» ի հարկէ վերաբերւում է «Փոքր Արջ»-«Կենաց ծառ»-ին՝ եւ նրա պտուղներին, որոնք պաշտպանելու համար (նաեւ ջրել-սնելու համար) արարուել է «Դրակոն»-«Օձ/Վիշապ»-ը՝ Կուր գետը:
Ըստ մեզ, «Դրակոն»-«Օձ/Վիշապ»-ը Ձուկ կենդանակերպի վերին զոյգն է՝ երբ «Վիշապ»-ը «վերին ձուկ» է նշանակում, երբ գիտենք նաեւ թէ (ստորին) «Ձուկ» կենդանակերպը Արաքս-Ախուրեան գետն է, ուստի եւ «Դրակոն-Օձ/Վիշապ»-ն էլ «վերին գետ»-ն է՝ Կուր գետը:
«Դրակոն» բառի ուղղագրութիւնը պէտք է «Տրակոն» եղած լինի, առաջացած՝
1.«Տէր» եւ «ակն» արմատներից՝ ուր «տէր»-ը պաշտպան-պահապանն է Է-ի (Փոքր Արջ համաստեղութեան), ուստի եւ արարուած բոլոր էութիւնների, եւ նրան օղակող «ակն»-ն է:
2.«Տեր» եւ «ակն» արմատներից՝ ուր «տեր»-ը շրջապտոյտ-ցիկլ է նշանակում, ընդ որում նաեւ «Տիեզերական շրջապտոյտ»-«Տիեզերական ցիկլ», իսկ «ակն»-ը այդ «պտոյտ-ցիկլ»-ի օղակ-ծիրն է:
Հետեւաբար «Տրակոն»-«Օձ/Վիշապը»-ը թէ՛ իր լեզուաբանական բովանդակութեամբ եւ թէ՛ աստղագիտական ու աշխարհագրական պատկերով ուրուագծում է Հայոց «Տ» տառը՝ «Տէր» եւ «Տեր» երկու իմաստներով:
Ամփոփում.-
Առայժմ կարողացել ենք 36 համաստեղութիւններից 26-ի համեմատականները գտնել: Մնում է մնացեալ 10-ն էլ յայտնաբերել Հայկական Լեռանշխարհի վրայ՝ որից յետոյ նաեւ ամբողջացնել «7» երկինքների քարտէսը:
Ի հարկէ առաւել դժուար է ճշդել՝ թէ Հայոց Այբուբենի ո՞ր տառին է համապատասխանում նրանցից իւրաքանչիւրը:
Վերջաբան՝ Երրորդ Յօդուածի
Կենդանակերպերի եւ համաստեղութիւնների այս շարքը 36-ից աւելի է, սակայն երեւոյթը չի շթօթեցնում մեզ, որովհետեւ շարքը ամբողջացնելուց յետոյ պիտի աշխատենք մաղել դրանք՝ ըստ իրենց կազմաւորման ժամանակագրական տուեալներին: Քանի որ ժամանակի ընթացքում աստղագէտները մի համաստեղութիւնը բաժանել են մի քանի մասերի, եւ բազմացրել են նրանց քանակը՝ աւելի դիւրացնելու համար «ընթերցումը»:
Սոյն աշխատանքը գլուխ բերելու համար կազմել ենք Հայկական լեռնաշխարհի լեռների եւ լեռնաշղթաների մի բառարան, եւ այժմ աշխատում ենք առանձնացնել իւրաքանչիւր լեռնաշղթան՝ սահմանագծելով այն ըստ աստղաբաշխական համապատասխանութեանն ու լեռնագագաթներին: