20. Սիրամարգ Համաստեղութիւն - Pavo (… տառ) Տաւուշի լեռներ

Shape9
Պատկեր «77» Սիրամարգ համաստեղութիւն

Սիրամարգը հարաւային կիսագնդից տեսանելի համաստեղութիւն է: Սակայն նրա անուան գոյութիւնը Հայկական լեռնաշխարհի քարտէսում՝ մեզ մղեց գտնելու այն առեղծուածը, թէ նա ինչպէ՞ս յայտնուեց հիւսիսային կիսագնդի վրայ գտնուող մեր տարածքում:

Նախ ասենք որ «Տաւուշ» անունը հնագոյն ակունքներից է գալիս Հայկական լեռնաշխարհի քարտէսին, եւ այսօր էլ ներկայացնում է ՀՀ-ի մարզերից մէկի անունը: Տես՝ Պատկեր «78»: Սակայն յայտնի չէ թէ ի՞նչ է նշանակում այս տեղանունը:


Պատկեր «78» Տաւուշ

Տաւուշի մարզին հարակից Ադրբէյջանի տարածքը կոչւում է Թոուզ կամ Թաուզ: Արաբերէնում եւ թուրքերէնում «թաուզ» նշանակում է սիրամարգ: Ահա եւ հնագոյն Տաւուշ անուան իմաստը՝ որ մեզ ստիպեց մտածել Սիրամարգ համաստեղութեան շուրջ: Պարզեցինք որ տուեալ տարածքը իսկապէս առնչւում է այդ հարաւային համաստեղութեան հետ: Բայց ինչպէ՞ս: Դիմեցինք Google-ի Stellarium ծրագրին, որով ժամանակը ետ տանելով գտանք թէ Սիրամարգ համաստեղութիւնը իսկապէս երեւելի է դարձել Հայկական լեռնաշխարհից՝ մեզանից 31.000 տարի առաջ:

Սա նշանակում է որ Հայաստանի քարտէսի վրայ Տաւուշ անուանումն ունի 31.000 տարուայ կենսագրութիւն:

Սա գիտութիւն է, ճշգրիտ գիտութիւն՝ եւ ո՛չ թէ «բաժակ նայելու» երեւակայական կամ մտացածին հայեցակարգ… :