11. Ձուկ Կենդանակերպ (Pisces, Piscium - ♓- Ձտառ) Մայր Արաքս - Ախուրեանի եւ Երասխի աւազան

Պատկեր «49» Ամիս Արեգ 19 Փետրուարից 20/19 Մարտ

Գլխաւոր աստղերը -

• 1. Al Rischa (Alpha Psc),
• 2. Fum al Samakah (Beta Psc).

Յունական առասպելները Ձուկ կենդանակերպը կապել են Եփրատ գետի հետ, մինչդեռ մեր դիտարկումներով՝ նա համապատասխանում է Մայր Արաքսի վերին հոսանքի գլխաւոր երկու վտակներին, Ախուրեանին ու Երասխին, ու հասնում է նրանց միացման կէտին՝ Կողբի մօտակայքում ⁵⁴²542. Այդ ժամանակներում Արաքսի գետաբերանը այդտեղ է եղել: Տես՝ Ատլաս, էջ 59, Զ-2 քառակուսու ստորին գծի աջ կողմում: ( Տես Պատկեր «50»), պատկերելով կանացի արգանդի երկու ձուարաններն ու նրանց հոսքագիծը, որոնցից ծնունդ են առնում ձկներ, երբ ձուկերը խորհրդանշում են կանացի ձուերի շերեփուկները՝ կրոմոսոմները, ինչի պատճառով էլ կենդանակերպի աւանդական խորհրդանիշն է «x»- աձեւ ():

Պատկեր «50» Երասխի եւ Ախուրեանի աւազանը

Ձուկ կենդանակերպը Կոյսի ( Մայր Անահիտի) հանդիպակաց զոյգն է, որպէս Մայր Արաքս գետ, եւ խորհրդանշում է Մայր երկրի արգանդը` որից հարաւ Արարատի վրայ տեղի է ունեցել յետջրհեղեղեան նոր տեսակի երկրածին մարդկանց արարումը՝ Զրուան- Բանի կողմից, եւ այդ կապակցութեամբ էլ Արաքսը կոչուել է Մայր Արաքս:

Ձուկ կենդանակերպի աստղերը թոյլ տեսանելի են:

Ինչպէս կենդանակերպերից ոմանց պարագայում՝ նրա աստղ- լեռներից գլխաւորը կրում է համաստեղութեան անունը «ALRISCHA», որն արաբերէն նշանակում է « փետուր» ( ձախ կողմի Ձկան պոչը) ՝ բայց մենք պիտի կոչէինք « շերեփուկ»:

Մեր կարծիքով դա ծագած պիտի լինի՝

1.« Արաքս» գետանուան Արասխ կամ Երասխ տարբերակներից: ⁵⁴³543. «Al»-ը նախածանց է, իսկ «RISCHA»-ն կորցրել է սկզբնատառ «Ա»-ն կամ «Ե»-ն եւ մնացել է «րիսխա»- «րասխ»-ը:

2. Յարակից Կարսի սարահարթի « Արջոյ Առիջ» լեռնազանգուածի « Առիջ» անուանումից՝ յատկապէս որ դա նոյն տարածքի ամենաերեւելի գագաթն է:

Իսկ ամբողջ այս տարածքը կոչուել է էա- ի բնակարան…:

Ինչո՞ւ:

Որովհետեւ հիւսիսից հարաւ երկարող ձուկը կոչւում է Piscis Borea, որը բառացիօրէն նշանակում է « Ձուկ Բեւեռային» ՝ հիւսիսային բեւեռից եկող ձուկ, այսինքն Փոքր Արջի տարածքից եկող ձուկ, երբ այդ տարածքն ընդգրկում է Ջաւախքից մինչեւ Արագած լեռան հարաւը, եւ պատկերում է Հայոց « Է» տառը:

« Ձուկ» կենդանակերպը բնականաբար պիտի պատկերէր Հայոց այբուբենի « ձ» ⁵⁴⁴544. Հայկական փոքրատառ ձեռագիր «ձ»-ն Փիւնիկեան այբուբէնում նոյնկերպ է պատկերուել, եւ անունն էլ «սամեխ» կամ «սամեկ» է, որը նշանակում է «ձուկ»: Նոյն անունից է առաջացել ռուս. «սամկա=էգ» բառը: տառը՝ որի ձեռագրային տարբերակը առաւել եւս շեշտում է « ձուկի» կերպարանքը, իսկ մեծատառ « Ձ»- ն առաջացել է Ձուկ կենդանակերպի հանդիպակաց Կոյս- ը ներկայացնող Հայոց « Մ» տառի վերոյիշեալ պատկերի կողային շրջումով՝ -- : Ձուկ Կենդանակերպն ու Հայկական Տօմարի Արեգ Ամսանունը

Բազմաթիւ հին ու նոր հայ եւ ո՛չ հայ տօմարագէտ- հայագէտ տեսաբաններ՝ Արեգ- ը ընդունել են որպէս « Խոյ» կենդանակերպը մարմնաւորող ամիս:

Մինչդեռ Հայկական Տօմարի Արեգ ամիսը ճշգրտօրէն համապատասխանում է Ձուկ կենդանակերպին, իսկ տեղանքն էլ՝ Մայր Արաքսի ակունքներին: Քանի որ երկնքի համաստեղութիւնների դիրքերը հաստատուն են՝ ուստի եւ երկրի վրայ իւրաքանչիւրն իր հաստատուն տարածքն ունի, համապատասխան դիրքով:

Հիմա տեսնենք թէ ի՞նչ կռուաններ ունենք Արեգը գետ համարելու համար:

1. Արեգ բառից առաջացել է ռուսերէնի « Ռեկա՛»- գետ բառը, սկզբի « ա»- ի անկումով՝ ինչպէս Արայ- ն Եգիպտոսում դարձել է Ռա, Արամը Հնդկաստանում դարձել է Ռամա եւայլն, իսկ « Արեգ»- ի « գ»- ն վերածուել է « կ»- ի՝ որովհետեւ ռուսերէնը չունի եռաստիճան բաղաձայնների համակարգ:

2. Լատվիայի մայրաքաղաքը « Ռիգա» է կոչուել՝ որովհետեւ գետի ափին է կառուցուել, հետեւաբար նոյնպէս Արեգից է առաջացել՝ « ե»- ն « ի»- ի փոխելով:

3. Սիրիայում « Արեգ»- ը տեղայնացուելով դարձել է « Ռագգա» քաղաքանուն՝ երբ այս քաղաքն էլ Եփրատ գետի եզրին է կառուցուել: Այստեղ էլ Արեգի « ե»- ն դարձել է « ա»:

4. Ռուսերէն լեզուից եկող մի հաստատուն եւս ունենք՝ ուր այս անգամ « Արեգ»- ի արմատները դրափոխուել են, այսինքն « ար»- ի եւ « եգ»- ի տեղերը փոխուեր են, ու « ար- եգ»- ը « իկ- րա» է դարձել՝ որպէս « ձկնկիթ», որովհետեւ Արեգ ամսուան ընթացքում ձկների մէջ սկսւում է կազմաւորուել ու հասունանալ ձկնկիթը :

5. Արեգ- ի « եգ» արմատը անգլերէնում դարձել է egg- հաւկիթ, ձու:

6. Ձկնկիթը եւ ձուն ի՞նչ ընդհանրութիւն ունեն Ձուկի հետ:

Ձու բառի ծայրին « կ» տառը աւելանալով՝ ցոյց է տալիս ձուի կամ ձկնկիթի կատարելութեան հասած լինելը: Որովհետեւ բառավերջին դրուող « կ» տառը նշանակում է « շրջանառութեան կամ ցիկլի աւարտը»:

Դրա համար էլ Ձուկ կենդանակերպը ներկայացնում է ձկների ձմեռելուց յետոյ նրանց առաջին ձկնկիթի կազմաւորման ժամանակամիջոցը՝ երբ այդ ամսուայ աւարտին էլ ձուկերն սկսում են ձուադրումը:

Հիմա պարտաւորուած ենք զգում աւելի բարդ գիտելիքներ աւելացնել:

7. Ձուկ կենդանակերպի հանդիպակաց զոյգն է Կոյսը:

Սուրբ կոյս Մարիամ Աստուածածնից առաջ Հայոց առասպելներում առաջին Կոյսը Մայր Անահիտն է եղել՝ որի նստատեղի լեռնազանգուածն էլ աշխարհագրականօրէն կոչուել է « Անահտական Աթոռ», այսինքն Մայր Անահիտի Աթոռ՝ Մնձուրեան լեռներից հիւսիս:

Մայր Անահիտ Կոյսի Աթոռի լեռների հանդիպակած զոյգն է Մայր Արաքսը:

Հիմա պարզ է դառնում՝ թէ ինչո՞ւ Արաքս գետը Մայր Արաքս է կոչուել:

Եթէ տեսել էք Ձուկ կենդանակերպի հնագոյն պատկերը՝ դա ներկայացնում է կանացի արգանդի երկու ձուարաններն ու նրանց հոսքագիծը:

« Ձուկ» կենդանակերպը բնականաբար պիտի պատկերէր Հայոց այբուբենի « ձ» տառը, բայց փոքրատառը, որի ձեռագրային տարբերակը առաւել եւս շեշտում է « ձկան» կերպարանքը: Նաեւ Փիւնիկեան այբուբէնում նոյնկերպ է պատկերուել « ձ»- ն, եւ անունն էլ « սամեխ» կամ « սամեկ» է, որ նշանակում է « ձուկ»: « Ձ»- ի այդ անունից է առաջացել ռուս. « սամկա= էգ» բառը:

Սրանք երբէ՛ք պատահականութիւններ չեն: Յաւելուած.-

Աճառեանի մօտ՝ Արեգը « Հայոց ութերորդ ամսուայ անունն է»: ⁵⁴⁵545. Հր. Աճառեան, նոյն, «Արեգ» բառի տակ:

Մեր վերականգնած Հայկական տօմարում էլ Արեգը ամիի՛ ութերորդ ամիսն է ՝ իսկ տարուայ առաջինը:

« Արեգ»- ը համապատասխանում է « Ձուկ» կենդանակերպին՝ որի մէջ դրուած է իգական բնոյթի, նաեւ հողի « հանգստեան» ժամանակահատուածի աւարտն ու ձուի կազմաւորման սկիզբը:

Այս ամսուն արուները ձգտում են դէպի էգերը՝ բայց վերջինները դեռեւս պատրաստ չեն:

Ըստ մեզ, քրիստոնէութեան առաջին տարիներին Արեգ ամսի աւարտին, ուստի եւ Ահեկանի առաջին օրը՝ Գարնանային գիշերահաւասարի օրն է եղել, երբ կատարուել է Զատկի տօնը՝ ու սեղանին են դրուել ու դրւում են ձու- հաւկիթն ու ձուկը: Արեգ Ամսանուան Աստղագիտական Պատկերը

Անդրադառնանք Արեգ ամսի աստղագիտական պատկերին, որը ներկայացուել է նշանաւոր մատեմատիկոս Բարտել Վան- Դեր Վարդէնի գրքում: ⁵⁴⁶546. Վան-Դեր Վարդէն, «Աստղաբաշխութեան Ծնունդը» 2-րդ հատոր, 1991թ. ռուս. տարբերակ, էջ 83:

Գիրքը վերաբերւում է համաստեղութիւնների վաղնջական եւ ներկայ անուանումների համեմատութիւններին եւ նրանց դիտարկումներին՝ սկսած հնագոյն ժամանակներից:

Դժբախտաբար ո՛չ Բ. Վան- Դեր Վարդէնը, ո՛չ էլ հայ տօմարագէտ- աստղագէտները մինչեւ այսօր գլխի չեն ընկել՝ որ « Ձուկ» աստղատան հնագոյն հայկական անունը Արեգ է եղել:

Մերոնք կարծում են թէ Արեգը Խոյ կենդանակերպն է ներկայացնում:

Ժամանակն է, որ աստղագիտականօրէն էլ հաստատենք մեր տեսութիւնը:

Դիմենք նշուած հեղինակին:

Բ. Վան- Դեր Վարդէնն իր ներկայացրած 7- րդ գծագրի տակ գրում է. « Իքու՝ որ համապատասխանում է Պեգաս համաստեղութեան եւ նրա շրջապատին» ( Պատկեր «51»):

Պատկեր «51» Պեգաս համաստեղութիւնը՝ ըստ Վան-Դեր Վարդէնի

Այսինքն Աշշուրերէնով Իքու կոչուած համաստեղութիւնը նա վերագրել է Պեկասին՝ մինդեռ «Իքու»-ն Արեգ-ի «Եգ» կամ «Էգ» բաղադրիչն է, որի «Իգ» տարբերակին հանդիպեցինք ռուսերէնի «Իկ-րա»-«ձկնկիթ» բառում:

Սոյն պատկերը յիշեցնում է անգլերէնի «V» տառը՝ իր երկու ճիւղաւորումով, ուր ճիւղերը իրար են միանում մի կէտի վրայ:

Նրանց վրայ գտնուող աստղերի մեծամասնութիւնը կրում է «pisc» անունը՝ ալֆա, բեթա, կամմա, եւ այլ տարբերակիչներով:

«Pisc» անունը լատիներէնէնի հապաւուած «Piscas»-ն է, որ Ձուկ կենդանակերպի աստղագիտական անուանումն է, որն էլ եթէ անգլերէնի տառադարձենք՝ կը լինի «Fishes», այսինքն ձկներ:

Քանի որ Ձուկ կենդանակերպի առաջին պատճենը երկրի վրայ ներկայանում է Հայոց Աշխարհի «Արաքս» գետի Ախուրեան եւ Երասխ վտակներով՝ ապա պարզ է դառնում որ ներկայացուած գծապատկերը չի՛ համապատասխանում նրա աշխարհագրական ուղղուածութեան:

Հետեւաբար Բ. Վան-Դեր Վարդէնի ունեցած պատկերացումն էլ ճշգրիտ չի՝ դիրքային առումով:⁵⁴⁷547. Կենդանակերպի դիրքային պատկերների տարբերութիւնը բնական է, քանզի ժամանակային գործօն կայ երկուսի միջեւ, եւ միայն երկնային-երկրային համատեղելի համեմատականը կարող է ցոյց տալ կենդանակերպի ծագման նոյնականութիւնն ու թուագրութիւնը…

Ուստի տուեալ գծագիրը 900-ով պէտք շրջել ժամացոյցի սլաքի հակառակ ուղղութեամբ՝ որպէսզի երկնային ու երկրային քարտէսները համեմատելի լինեն իրար, այսպէս. (Պատկեր «52»)

Պատկեր «52» Ախուրեան եւ Երասխ գետերը՝ արտայայտուած Ձուկ կենդանակերպով

 

Հիւսիսից հարաւ իջնող ճիւղը Ախուրեան գետն է, իսկ արեւմուտքից արեւելք երկարող ճիւղը Երասխ գետն է :

Ըստ այս քարտէսի՝ Երասխը ներկայացնող հորիզոնական ճիւղի հարաւակողմում է գտնւում LU.HUN.GA-ն, ինչպէս եւ Aries կենդանակերպը որ Խոյն է՝ եւ աշխարհագրականօրէն ներկայացնում է երկգագաթ Արարատն ու նրանից արեւելք շարունակուող ծայրամասային բլուրները :

Aries-ից արեւմուտք է գտնւում Աշշուրների կողմից Apin կոչուած համաստեղութիւնը՝ որ ներկայիս անուանւում է «Եռանկիւնի », եւ ըստ Արմէն Դաւթեանի՝ «Խոփ » է կոչուել մեր մատենագրութեան մէջ !!!:

Այս Եռանկիւնին երկրի վրայ պատկերում է Հայկական Պար լեռնաշղթայի արեւմտեան մասը, մինչեւ Աղտոձոր լեռնանցքը :

Յաջորդը :

Ձուկ կենդանակերպի երկու ճիւղերի միջեւ դրուել է մի ուղղանկիւն -քառանկիւն, որի երեք անկիւնների աստղերը Pegas-ի կամ «Թեւաւոր հրեղէն ձիու » գլխաւոր աստղերն են :

Նրա աշխարհագրական տարածքը ընդգրկում է Կարսի սարահարթը՝ Արջոյ -Առիճ լեռնագագաթով, Բագրատունեաց թագաւորութեան գլխաւոր յենակէտով ` Հայոց նախավերջին մայրաքաղաք Անիով :

Հետաքրքիր է, որ Աշշուրների կողմից այս տարածքը կոչուել է էա -ի բնակարան :⁵⁴⁸548. Անու-ն եւ Էնլիլը իրենց տիեզերանաւով առաջին անգամ այստեղ են իջեւանել, Էա-ի կառուցած ընդունման կայանի հարթակի վրայ:

Վերջին մի փաստ էլ :

Բ . Վան -Դեր Վարդէնը յայտնում է՝ որ հարաւային ձկան հոսքագծի հիւսիսային կողմի կենտրոնին է գտնուել Աշշուրների կողմից Sim-mah կամ Shinunitum կոչուած աստղը, եւ ըստ իր պատկերացումներին էլ այն տեղադրել է քարտէսի վրայ : Բայց քանի որ մենք փոխեցինք քարտէսի ուղղութիւնը, ուրեմն նշուած անուան տեղն էլ պէտք է փոխուի՝ ըստ նկարագրուածին:

Աշխարհագրականօրէն Երասխ գետն իր ակունքներից բխելով՝ անցնում է Բասէնի դաշտից, որն եղել է դրախտի այգու տարածքը, որն էլ Աշշուրները կոչել են Shinunutum՝ որպէս «շէնութիւն ունեցող տուն » ընդհանուր անուամբ : Թէ այդ անունով աստղը Բասէնի ո՞ր լեռնագագաթը կարող է պատկերել՝ ենթակայ է հետազօտման :

Դրախտի այգին այլաբանօրէն կոչուել է նաեւ Sim-mah՝ որը մեր կարծիքով բաղադրուած է «Շէմ » եւ «Մայ » կամ «Մեհ » բառերից, երբ վերջինը նշանակում է «Տիեզերական ովկիանոսի Ջուր », ուստի Sim-mah-ը կարող է իմաստաւորուել «Տիեզերական ովկիանոսի շէմ »՝ այսինքն «Երկնքի շէմ »:

Աւելացնենք որ այս անուանումը մի պատահականութիւն չէ, որովհետեւ մեր առաւել ընդարձակ հետազոտութիւնները ցոյց տուեցին որ Կարսի սարահարթի հարաւ -արեւելեան կողմում է կառուցուել երկրագնդի առաջին աստղագնայ տիեզերանաւերի ընդունման ու արձակման կայանը, այսինքն «Երկնքի շէմ »-ը, որ մեր հին քարտէսներում կոչւում է «Նախիջեւան »⁵⁴⁹549. Թէեւ Ատլասում գրուել է «Նախճավան»: (Տես Պատկեր «53»): Պեգասի Հայկական աստղաբանական անունը ըստ մեզ կոչուել է "Անդաստան"։

Պատկեր «53» Կարսի սարահարթի Նախիջեւան - ը